Bòdwo Swen Ijan

Kesyon yo poze souvan sou faktirasyon nan kote sa yo

Kijan m ap fè konnen si yo pral faktire vizit mwen kòm yon vizit lopital pou pasyan ekstèn oswa kòm yon vizit nan biwo yon espesyalis?

Ou ka jwenn enfòmasyon sou si yo konsidere vizit ou a kòm yon vizit nan biwo doktè oswa yon vizit pasyan ekstèn lopital nan avi ki afiche nan sal tann nou yo. Ou ka jwenn enfòmasyon ki gen rapò ak sa tou sou sit entènèt sa a ak sou sit entènèt lopital nou yo ak gwoup doktè nou yo, epi nan gid nou enprime yo.

Ki pemàn m ap responsab pou m peye pou sèvis swen ijans/swen sou plas mwen resevwa?

Pou kote biwo doktè espesyalize yo

• Pou sèvis yo faktire kòm yon vizit doktè oswa enfimyè pratisyen, yo anjeneral limite depans ou yo ak ko-pèman ki nesesè daprè plan asirans sante w.

Nou pral mande ko-pèman w lan lè w anrejistre pou vizit la.

Pou kote lopital pou pasyan ekstèn yo

• Pou sèvis yo faktire kòm yon vizit doktè oswa enfimyè pratisyen, yo anjeneral limite depans ou yo ak ko-pèman ki nesesè daprè plan asirans sante w la.
• Ou pral tou resevwa yon bòdwo pou sa yo rele souvan yon "frè etablisman" pou itilizasyon espas lopital la, ekipman, ak pèsonèl sipò.

Plan asirans sante ou an ka mete frè lopital sa yo sou dediktib anyèl ou, e aprè ou fin peye dediktib ou a nèt, ou ka resevwa yon bòdwo pou yon pèman ko-asirans.

Nou pral mande ko-pèman ou an lè w anrejistre pou vizit la.
Nou pral voye yon bòdwo ba ou si gen nenpòt balans ou pa ko peye aprè nou resevwa pèman pou vizit ou a nan men plan asirans sante ou a.

Referans ak otorizasyon davans

Pou ni vizit nan biwo doktè espesyalize espesyalite ak vizit pasyan ekstèn nan lopital, plan asirans sante ou an ka mande w pou jwenn yon referans oswa otorizasyon. Anplis, founisè nou yo ka konsidere kòm "Nan Rezo" oswa "Dehors Rezo" selon detay plan asirans sante ou, sa ki ka afekte kantite ou peye.

Bòdwo pou pwosedi ki te fèt pandan vizit la

Kèlkeswa kote a, si yon pwosedi fèt pandan vizit la, ou ka gen plis depans nan pòch pou sèvis doktè adisyonèl ak pou itilizasyon enstalasyon ak pèsonèl lopital la, menm si pwosedi a fèt nan menm chanm egzamen ak doktè a. Plan asirans sante ou an ka aplike frè doktè ak lopital sa yo sou dediktib anyèl ou an. Aprè ou fin peye dediktib ou a nèt, ou ka responsab pou yon lòt pèman ko-asirans.

Sèvis laboratwa ak imajri

Si doktè ou a te mande tès laboratwa oswa sèvis imajri (tankou radyografi (X-ray), CT oswa MRI), ou pral resevwa yon bòdwo pou tès sa yo nan men lopital la, laboratwa klinik la, oswa sant imajri a, e ou ka tou resevwa yon bòdwo pou sèvis doktè yo (anjeneral patològ ak radyològ) ki te entèprete rezilta tès yo.

Nòt espesyal pou pasyan Medicare

Si ou se yon benefisyè Medicare epi vizit ou te fèt nan yon adrès nan lopital la pou pasyan ekstèn, ou pral responsab pou peye yon peman ko-asirans Medicare Pati B ki sòti nan pòch ou, apeprè $25, pou frè etablisman lopital la. Chaj pwosedi oswa lòt tès ka ogmante depans ki sòti nan pòch ou.

Konprann konbyen vizit mwen an ap koute

Se dwa ou pou resevwa yon estimasyon sou pri vizit ou anvan vizit la. Tanpri kontakte Solisyon Faktirasyon pou Pasyan yo omwen de jou ouvrab anvan vizit ou a pou jwenn yon estimasyon:

Telefòn
617-726-3884
Lendi: 8:00 a.m.–4:30 p.m. ET
Madi: 8:00 a.m.–4:30 p.m.
Mèkredi: 8:00 a.m.–4:30 p.m.
Jedi : 9:00 a.m.–4:30 p.m.
Vandredi: 8:00 a.m.–4:30 p.m.

Imèl
patientbilling@partners.org sèlman pou kesyon jeneral; yon reprezantan ap reponn jeneralman nan twa jou ouvrab.
(Tanpri itilize www.patientgateway.org pou wè detay sou kont ou, voye mesaj ak enfòmasyon konfidansyèl, oswa peye bòdwo ou yo.)

Adrès postal
Kominikasyon sèlman (pa pou chèk)
Mass General Brigham
Solisyon Bòdwo pou Pasyan
399 Revolution Drive, Suite 410
Somerville, MA 02145-1462

Tanpri gen plis detay posib sou pwochen vizit la, ki gen ladan non founisè, adrès ak detay sou sèvis oswa pwosedi y ap planifye a.

Tanpri kontakte depatman Sèvis pou Manm yo nan plan asirans sante ou a pou verifye kouvèti ou a ak responsablite finansye w pou sèvis swen ijans/san randevou yo bay nan nenpòt nan kote yo liste nan paj sa a. Anjeneral, yo mete nimewo telefòn sa a sou kat asirans ou an.