Bòdwo Swen Eksprès/San Randevou

Kesyon yo poze souvan sou faktirasyon pou sèvis sa a

Kijan m ap fè konnen si yo pral faktire vizit mwen kòm yon vizit lopital pou pasyan ekstèn oswa kòm yon vizit nan biwo yon espesyalis?

Ou ka jwenn enfòmasyon sou si yo konsidere vizit ou a kòm yon vizit nan biwo doktè oswa yon vizit pasyan ekstèn lopital nan avi ki afiche nan sal tann nou yo. Ou ka jwenn enfòmasyon ki gen rapò ak sa tou sou sit entènèt sa a ak sou sit entènèt lopital nou yo ak gwoup doktè nou yo, epi nan gid nou enprime yo.

Ki pèman m ap responsab pou m peye pou sèvis mwen resevwa yo?

Pou kote biwo doktè espesyalize yo

• Pou sèvis yo faktire kòm yon vizit doktè oswa enfimyè pratisyen, yo anjeneral limite depans ou yo ak ko-pèman ki nesesè daprè plan asirans sante w.

Nou pral mande ko-pèman w lan lè w anrejistre pou vizit la.

Pou kote lopital pou pasyan ekstèn yo

• Pou sèvis yo faktire kòm yon vizit doktè oswa enfimyè pratisyen, yo anjeneral limite depans ou yo ak ko-pèman ki nesesè daprè plan asirans sante w la.
• Epitou, w ap resevwa yon fakti pou sa yo rele souvan yon "frè etablisman pou itilizasyon espas lopital la, ekipman, ak sipò nan men estaf la.

Plan asirans sante ou an ka mete frè lopital sa yo sou dediktib anyèl ou, e aprè ou fin peye dediktib ou a nèt, ou ka resevwa yon bòdwo pou yon pèman ko-asirans.

Nou pral mande ko-pèman ou an lè w anrejistre pou vizit la.
Nou pral voye yon bòdwo ba ou si gen nenpòt balans ou pa ko peye aprè nou resevwa pèman pou vizit ou a nan men plan asirans sante ou a.

Referans ak otorizasyon davans

Pou ni vizit nan biwo doktè espesyalize ak vizit nan lopital pou pasyan ekstèn, plan asirans sante ou ka mande ou pou jwenn yon referans oswa otorizasyon.

Anplis, yo ka konsidere founisè nou yo ka konsidere kòm anndan rezo oswa deyò rezo selon detay plan asirans sante ou a, sa ki ka afekte kantite ou peye.

Bòdwo pou pwosedi ki te fèt pandan vizit la

Kèlkeswa kote a, si yo te fè yon pwosedi pandan vizit la, ou ka genyen plis depans pou peye ak kòb nan pòch ou pou sèvis adisyonèl doktè ak pou itilizasyon enstalasyon ak estaf lopital menm si yo te fè pwosedi a nan menm sal egzamen kote ou te rankontre doktè a.

Plan asirans sante ou ka ajoute frè doktè ak frè adisyonèl lopital sa yo sou dediktib anyèl ou a, epi aprè ou fin peye li nèt, ou ka gen pou peye yon ko-asirans anplis.

Sèvis laboratwa ak imajri

Si doktè ou a te mande tès laboratwa oswa sèvis imajri (tankou radyografi (X-ray), CT oswa MRI), ou pral resevwa yon bòdwo pou tès sa yo nan men lopital la, laboratwa klinik la, oswa sant imajri a, e ou ka tou resevwa yon bòdwo pou sèvis doktè yo (anjeneral patològ ak radyològ) ki te entèprete rezilta tès yo.

Nòt espesyal pou pasyan Medicare

Si ou se yon benefisyè Medicare epi vizit ou te fèt nan yon adrès nan lopital la pou pasyan ekstèn, ou pral responsab pou peye yon peman ko-asirans Medicare Pati B ki sòti nan pòch ou, apeprè $25, pou frè etablisman lopital la. Chaj pwosedi oswa lòt tès ka ogmante depans ki sòti nan pòch ou.

Konprann konbyen vizit mwen an ap koute

Ou gen dwa pou resevwa yon estimasyonsou pri vizit ou a anvan yo fè l. Tanpri kontakte Solisyon Bòdwo pou Pasyan omwen de jou travay anvan vizit ou a pou gen yon estimasyon:

Telefòn
617-726-3884
Lendi: 8:00 a.m. - 4:30 p.m.
Madi: 8:00 a.m. - 4:30 p.m.
Mèkredi: 8:00 a.m. - 4:30 p.m.
Jedi : 9:00 a.m. - 4:30 p.m.
Vandredi: 8:00 a.m. - 4:30 p.m.

Tanpri voye imèl pou
patientbilling@partners.org pou kesyon jeneral sèlman; yon reprezantan ap reponn jeneralman nan twa jou ouvrab.
(Tanpri itilizewww.patientgateway.org pou wè detay sou kont ou, voye mesaj ak enfòmasyon konfidansyèl, oswa peye bòdwo ou a)

Adrès postal
Kominikasyon sèlman (pa pou chèk)
Mass General Brigham
Solisyon Bòdwo pou Pasyan
399 Revolution Drive, Suite 410
Somerville, MA 02145-1462

Tanpri gen plis detay posib sou pwochen vizit la, ki gen ladan non founisè, adrès ak detay sou sèvis oswa pwosedi y ap planifye a.

Tanpri kontakte depatman Sèvis pou Manm yo nan plan asirans sante ou a pou verifye kouvèti ou a ak responsablite finansye w pou sèvis swen ijans/san randevou yo bay nan nenpòt nan kote yo liste nan paj sa a. Anjeneral, yo mete nimewo telefòn sa a sou kat asirans ou an.