Konsènan Enstiti Syans Newolojik Mass General Brigham

Dirije avni syans newolojik

Nan Enstiti Syans Newolojik Mass General Brigham, n ap travay pou n amelyore sa ki posib nan swen sèvo ak sistèm nève. Antanke yon dirijan mondyal nan rechèch ak tretman maladi sèvo ki konplike, nou reyini ansanm klinik ki nan nivo mondyal, syans ki pote anpil chanjman ak gwo angajman pou bay plis aksè ak popilasyon ki pa jwenn ase sèvis yo.

Kote gen youn nan twa moun atravè lemond ke maladi newolojik afekte , misyon nou vin pi ijan ke janmen avan. Nou konsantre sou amelyore rezilta pasyan yo ak avanse dekouvèt syantifik pa mwayen ekspètiz nan divès branch espesyal.

Ki sa ki yon enstiti nan Mass General Brigham?

Yon enstiti nan Mass General Brigham rasanble swen espesyalize, rechèch, edikasyon, ak angajman kominote nan yon sèl kad inifye. Modèl sa a pèmèt nou konsantre sou avanse inovasyon nan domèn espesifik pandan n ap ankouraje kolaborasyon ak angajman kominotè pou abòde difikilte sante ki konplike yo.

Modèl sa a se yon pati nan kat misyon Mass General Brigham pou:

• Ofri swen konplè pou pasyan yo, depi vizit woutin yo jiska ka ki konplike, sipòte pasyan nou yo nan chak etap nan chemen an.
• Dirije pwochen epòk rechèch ak dekouvèt medikal la, avanse konesans ak devlope nouvo tretman ki amelyore swen pasyan yo dirèkteman.
• Rekrite, sipòte, ak edike pwochen jenerasyon dirijan yo, ranfòse rezèv talan pou reponn ak bezwen mendèv ki genyen deja ak sa ki ap vini yo.
• Ranfòse sante lokal pa mwayen kobarasyon kominote yo, pwogram mobilizasyon, ak envestisman nan sèvis ki abòde bezwen divès kominote n ap sèvi yo.

Enstiti nou yo kolabore ak klinisyen, chèchè, edikatè, ak kolaboratè endistri nan Mass General Brigham ak pi lwen. Atravè kolaborasyon ak finansman, nou kapab ogmante enpak nou ak bay swen ki pi avanse.

Avanse syans newolojik atravè swen, rechèch, edikasyon, ak angajman kominote a

Swen pasyan

Nan Enstiti Syans Newolojik, nou delivre swen ki pi avanse epi ki pi konplè pou maladi newolojik ki komen ak ra. Avèk plis pase 500 founisè syans newolojik, ekip nou an gen ladan espesyalis ki pi bon nan newoloji, newochiriji (operasyon tèt), jesyon doulè, sikyatri, reyabilitasyon, ak plis ankò, yo tout kolabore pou kreye plan swen pèsonalize pou chak pasyan. Nou bay pasyan yo aksè a swen ki baze sou ekspètiz, ki an ekip chak jou, tout lè.

Modèl kolaboratif nou an vle di chak pasyan benefisye de yon plan swen pèsonalize, ke yon ekip ki gen plizyè disiplin devlope ki baze sou dènye dyagnostik yo, nouvo tretman, ak esèy klinik. Chak ane, nou fè plis pase 10,000 operasyon sèvo , soti nan ti operasyon pou rive nan operasyon ki plis avanse nan sèvo ak nan rèl do, sa ki ban nou eksperyans pou n rafine metòd swen ak bay bon rezilta.

Pasyan yo benefisye tou de koneksyon sere nou genyen ak rechèch ak edikasyon ki nan nivo mondyal, ki ede pote terapi ki pi bon ak pratik ki baze sou pwèv dirèkteman nan bò kabann yo.

Men kèk egzanp :

• Estimilasyon Pwofon nan Sèvo (DBS): Yon opsyon tretman pou pasyan ki gen maladi Parkinson, vibrasyon esansyèl, ak distoni, DBS (Estimilasyon Pwofon nan Sèvo) a enplike enplantasyon yon aparèy ki voye siyal elektrik nan yon pati espesifik nan sèvo a, amelyore fonksyon mouvman ak diminye sentòm yo.
• Nouvo terapi Alzheimer: Nouvo terapi tankou lecanemab ak donanemab vize plak amyloid nan sèvo a, ki montre amelyorasyon nan ralanti pwogresyon maladi a ak amelyore fonksyònman mantal pou pasyan ki nan premye etap Alzheimer (Alzayimè).
• Tretman AVM avanse: Ekspè nou yo itilize yon seri terapi, ki gen ladan embolizasyon, mikwochiriji , ak radyochiriji, pou trete defòmasyon atè nan sèvo a (AVM), pa mwayen imaj ki avanse ak planifikasyon plizyè espesyalis¨.

Egzanp pwogram plizyè espesyalis ki reyisi yo se :

• Sèvis doulè nan tèt ak doulè nan figi: Kombine ekspètiz nan newoloji (doktè sèvo), neworochiriji (doktè ki fè operasyon sèvo), jesyon doulè, otolarengoloji (doktè nen, gòj ak zòrèy), sikoloji, ak operasyon bouch ak figi pou trete kondisyon tankou neuralji trijeminal (doulè nan figi ki soti nan yon nè nan tèt la) ak newopati (pwoblèm nè nan sèvo).
• Klinik Entèfas Sèvo, Òdinatè: Premye nan kalite li nan Etazini, klinik sa a sipòte pasyan ki gen paralizi ki soti nan blesi nan rèl do yo, AVC, ALS, ak lòt ankò. Klinisyen yo ak chèchè yo travay ansanm pou konekte pasyan ak entèvansyon ki ka retabli fonksyònman sèvo ki pèdi yo.
• Pwogram Epilepsi Fanm: Ofri swen espesyalize pou fanm ki gen epilepsi (malkadi), ak yon konsantrasyon sou planifikasyon gwosès, jesyon kriz pandan gwosès, ak sipò apre akouchman, klinisyen yo bay tretman pèsonalize ak konsèy pou ede pwoteje sante ak sekirite manman an ak tibebe a.
• Terapet newomodilasyon: Terapet newomodilasyon (Terapi ki modifye aktivite sistèm nève a) tankou Estimilasyon Pwofon nan sèvo a, Estimilasyon manyetik nan kràn , ak sonografi ki baze sou MRI pèmèt nou jwenn sikri sèvo a dirèkteman ak amelyore sentòm yo nan fason ki pa posib ak medikaman.

Edikasyon ak fòmasyon

Nou pran angajman pou n fòme pwochen jenerasyon dirijan syans newolojik yo. Nan tout lopital nou yo, nou ofri fòmasyon klas mondyal ki baze sou sipòak gid, devlopman karyè pwofesyonèl, ak eksperyans pratik ak kèk nan ka ki pi konplike ak difisil nan domèn lan.

Pwogram nou yo se:

• 36 pwogram bous ki bay fòmasyon avanse nan domèn espesyalize syans newolojik.
• 105 rezidan k ap pran eksperyans nan klinik syans newolojik.
• 91 bousye k ap devlope plis ekspètiz nan divès domèn nan newoloji.

Avèk aksè ak sipò ak gid ki renome onivo entènasyon, rechèch ki avanse, ak yon kilti kolaborasyon, moun k ap fòme yo gen kapasite pou vin kreyatè ak dirijan nan syans newolojik.

Kominote

Enstiti Syans newolojik lan se yon pati nan yon rezo ki gen entegrasyon swen ki gen ladan senk sant medikal akademik ak plizyè lopital kominotè. Doktè ki gen espesyalite ak eksperyans nou yo bay gran kalite swen newolojik (sèvo) nan toude anviwònman yo, epi pote ekspètiz klas mondyal pi pre kote moun viv ak travay.

Antanke yon pati nan Mass General Brigham, doktè ak pasyan yo benefisye de kowòdinasyon san pwoblèm atravè diferan lokalite ak espesyalite. Dosye sante elektwonik pataje, navigatè swen dedye, ak zouti dijital tankou Epic ak aplikasyon pou pasyan yo ede yo kontinye jwenn swen.

Doktè yo kapab ofri pasyan yo tou esèy klinik dènye nivo ak terapi ki fenk ap parèt, pandan y ap koninye fè rechèch devlope ak teste nouvo tretman yo,atravè sant medikal akademik nou yo ak enstitisyon rechèch, ki ofri opsyon ki poko disponib anpil lòt kote.

Yon lòt egzanp angajman nou nan kominote a se klinik newolojik chak mwa nan Boston Healthcare (Swen Sante Bosto) pou moun ki san kay. Òganize dapre rezidan ak fakilte ki nan Mass General, klinik sa a bay swen esansyèl pou moun ki san kay, ede yo jere yon bann maladi newolojik san yo pa entène lopital, tankou kriz, andikap mouvman, AVC, ak tèt fè mal. Lè nou pote swen dirèkteman bay moun ki bezwen li plis, nou asire ke menm popilasyon ki pi vilnerab yo resevwa sipò yo bezwen pou sante newolojik (sèvo) yo.

Atravè efò sa yo ak anpil lòt, Enstiti Syans Newolojik lan kontinye bay plis aksè a swen ak rechèch avanse nan tout kominote n ap sèvi yo.