Pwogram Kansè nan Ovè

Metòd nou nan swen kansè nan ovè

Ou resevwa swen konplè nan men yon ekip espesyalis kansè jinokolojik ki ka gen ladan:

• Onkològ medikal, chirijikal, ak radyasyon
• Nitrisyonis
• Enfimyè onkoloji ak enfimyè praktiksyen
• Sikiyat onkològ ak travayè sosyal
• Founisè swen pou soulaje doulè
• Patològ ak radyològ

Nou itilize yon bann tès dyagnostik pou dyagnostike ak etap kansè nan ovè avèk presizyon, tankou:

• Eskanè CT,pou wè imaj ògàn ak tisi ki anndan kò ou.
• Tès jenetik,pou chèche chanjman nan jèn ki ogmante risk pou kansè.¯
• Egzamen fizik, pou planifye pou operasyon
• Tès makè timè,pou mezire diferan kalite makè timè, selon kalite kansè ovè a.
• Sonografipou chèche siy timè sou ovè yo
• Tès timè, pou idantifye diferan chemen ak mekanis ki pèmèt ekip medikal la vize selil timè yo avèk plis presizyon

Patològ nou yo resevwa fòmasyon espesyalize pou idantifye kansè jinekolojik. Yo rankontre regilyèman ak rès ekip swen nou an pou diskite sou dyagnostik chak pasyan ak ede planifye tretman ki pi efikas.

Antanke chèchè nimewo 1, nou ofri dènye tretman medikal yo ansanm ak chimyoterapi tradisyonèl. Sa ka gen ladan:

• Iminoterapi,pou ede sistèm iminitè ou detwi selil kansè yo
• Chimyoterapi intraperitoneyal (himyoterapi andedan kavite vant lan)pou bay medikaman chimyoterapi dirèkteman nan vant ou, swa pandan operasyon (chimyoterapi intraperitoneyal chofe oswa HIPIC) oswa apre operasyon
• Terapi pou timè ki reziste a medikaman, pou simonte rezistans chimyoterapi klasik nan itilize divès chemen

Si tretman ou a mande operasyon, kalite operasyon an ap depann de anpil faktè ki espesifik pou ou. Chirijyen ou a ka retire kèk gangliyon lenfatik pou egzamine yo. Sa ka ede detekte ti selil kansè ki gaye, men ki twò piti pou parèt sou nan imaj egzamen yo.

Chirijyen nou yo itilize metòd ti operasyon chak fwa sa posib, tankou chiriji lapawoskopik ak chiriji avèk èd wobo.

• Operasyon kansè nan ovè gen ladan l:
• Operasyon sitorediksyon
• isterektomi
• Salpingo-oforektomi
• Retire omentòm nan, gangliyon lenfatik yo, oswa lòt tisi ki afekte pa maladi a
• Rezeksyon trip (Operasyon pou retire yon pati nan trip la)

Onkològ radyasyon nou yo, ki gen anpil renome, ofri tout kalite tretman radyasyon pou pasyan ki gen kansè ovè ki retounen nan yon sèl zòn nan kò a. Sa gen ladan l:

• Radyoterapi ak entansite modile (IMRT), yon kalite radyoterapi ekstèn ki pèmèt ekip medikal la voye dòz radyasyon an avèk anpil presizyon sou zòn yo vle trete a, pandan li diminye kantite radyasyon ògàn ki toupre yo resevwa..
• Tretman pwoton, yon fòm radyasyon ki itilize reyon pwoton olye de reyon X ki pi presi epi ki ka itilize nan ka espesifik kote kansè ovè a retounen.