Sèvis Maladi Moun pran nan Travay ak Anviwònman

Ki sa ki maladi poumon ki soti nan okipasyon ak anviwònman an?

Maladi poumon okipasyon ak anviwònman yo rive nan respire iritan chimik, alèjèn oswa toksin nan anviwònman travay oswa lakay. Pifò maladi yo rive nan ekspozisyon plizyè fwa, pandan lontan, men menm yon sèl kontak oswa kontak endirèk ak yon ajan danjere ka lakoz maladi poumon ki gen efè dirab.

Kreyasyon ajans ki responsab pou mete règ yo an plas ak aplikasyon mezi kontwòl pousyè yo fè kantite maladi sa yo bese anpil. Sepandan, anpil moun toujou ap soufri ak maladi poumon ki gen rapò ak faktè nan anviwònman an. Nan pifò ka, maladi sa yo soti nan ekspoze ak pousyè ki pa òganik pandan fabrikasyon, pwosesis oswa min (nemokonyoz). Lòt maladi poumon yo ki komen nan travay se:

• Azbestoz
• Opresyon  moun pran nan travay
• Bisinoz
• Nemokonyoz travayè chabon (maladi poumon nwa)
• Maladi poumon obstriktif kwonik (COPD)
• Nemonit ipèsensitè
• Maladi poumon entèstisèl (ILD)
• Mezotelyom
• Silikoz

Nemonològ ak chirijyen lestomak ki espesyalize nan sante poumon okipasyon ak anviwònman nan Mass General Brigham bay swen konplè pou pasyan ki gen maladi poumon okipasyon ak anviwònman. Ekspètiz yo ak kolaborasyon yo ak lòt espesyalis nan Mass General Brigham bay pasyan yo yon dyagnostik ki egzakt ak yon plan tretman ki byen kowòdone.

Faktè ki kontribye nan yon ogmantasyon risk pou maladi poumon ki soti nan okipasyon ak anviwònman yo se :

• Ekspoze ak pwodwi chimik , pousyè ak fib ki pa sekirize nan travay.
• Fimen oswa ekspoze souvan ak lafimen moun k ap fimen

Maladi poumon ki soti nan travay ak anviwònman yo ka koze oswa agrave nan ekspoze ak:

• Asenik
• Azbes
• BCME (Bis(chloromethyl) ether)
• Beryli
• Kadmyòm
• Krom
• Pousyè chabon
• Egzo dizèl
• Flock
• Nanopatik
• Nikèl
• Hidwokabòn aromatik polikiklik
• Silika
• Lafimen tabak

Sentòm ki pi komen nan maladi poumon ki soti nan okipasyon ak anviwònman yo se:

• Doulè nan pwatrin
• presyon sou lestomak
• Touse
• Modèl respirasyon iregilye
• Souf kout ki vin pi mal lè w ap bouje (dyspne).

Doktè ou ap revize istwa medikal ou ak fè yon egzamen fizik pou detèmine koz maladi poumon ou ki soti nan travay oswa anviwònman. Li ka tou mande lòt ès, tankou :

• Etid biyochimik ak selil sou likid, tisi ak selil poumon
• Tès san
• Bronkoskopi
• Radyografi lestomak
• Tomografi sou òdinatè (CT)
• Tès sou fonksyòman poumon

Pandan pa gen okenn remèd pou majorite maladi poumon moun travay ak anviwònman, espesyalis nou yo ap travay avèk ou pou jere sentòm ou yo ak anpeche ou plis ekspoze.

Doktè ou ka rekòmande pou ou:

• Sispann fimen
• Pote mask pwoteksyon lè w bò kote pousyè ak iritan ki nan lè a
• Evalye fonksyon poumon ak epiwometri selon enstriksyon doktè w la pou w abitye ak fonksyònman poumon ou ak veye chanjman
• Manje yon rejim alimantè ki byen ekilibre, fè egzèsis regilyèman ak dòmi anpil
• Anplwaye yon ekspè nan sante travay pou etidye anviwònman travay ou
• Terapi oksijèn lè sa nesesè

Dapre maladi poumon ou, doktè ou a ka preskri w antihistamin pou trete alèji oswa bronkodilatè pou ouvri pasaj poumon yo. Yon transplantasyon poumon ka nesesè nan ka ki pi grav.

Yon ekip ki gen plizyè espesyalis nan plizyè branch ap travay avèk ou nan chak etap, depi dyagnostik la rive nan evalyasyon, pou kreye yon plan tretman ki byen kowòdone ak konplè. Metòd san parèy nou an nou an bay konsiltasyon menm jou ak plizyè espesyalis epi li fasilite swen ki baze sou ekspètiz san kanpe. Yo pral kontwole ak jere kondisyon medikal ou avèk anpil atansyon pou asire pi bon fonksyònman poumon epi amelyore kalite lavi ou.

Si ou bezwen operasyon, ou pral rankontre ak ekip swen sante ou an premye pou enfòmasyon ak tès preparasyon pou operasyon. Nan jou operasyon w lan, ou pral resevwa swen nan men chirijyen, anestezis ak enfimyè ki espesyalize nan chiriji lestomak ak pwosedi poumon entèvansyon. Apre operasyon an, ou pral refè nan inite swen aprè operasyon nan lestomak nou an kote ou pral resevwa swen konplè nan men yon ekip chirijikal ak enfimyè ki gen eksperyans.

Pasyan ki gen maladi poumon li pran nan travay ak anviwònman benefisye de yon bann espesyalis nan  Mass General Brigham, tankou chirijyen lestomak, onkològ, pilmonològ ak ekspè nan imaj. Kolaborasyon sa a asire dyagnostik konplè ak tretman espesifik pou pasyan yo.

Se yon chirijyen ki gen eksperyans ke konsèy administrasyon an sètifye- k ap fè nenpòt operasyon oswa pwosedi ki rekòmande, an kolaborasyon avèk ekip tretman an ki gen ladan enfimyè ak asistan doktè, tout moun ki espesyalize nan pran swen pasyan ki gen maladi poumon moun pran nan okipasyon ak anviwònman.